Վճարահաշվարկային կազմակերպություններ
Վճարահաշվարկային կազմակերպություններ
Ոչ բանկ վճարաhաշվարկային կազմակերպությունները լրացնում են բանկերի կողմից առաջարկվող վճարային ծառայությունները, ինչը նպաստում է վճարային ոլորտի բազմազանությանը և նորարար վճարահաշվարկային ծառայությունների մատուցմանը: Այս կազմակերպությունները, մասնավորապես՝ դրամական փոխանցում իրականացնող կազմակերպությունները և պրոցեսինգ/քլիրինգ իրականացնող կազմակերպությունները, մասնագիտացած են որոշակի վճարային ծառայությունների մատուցման ոլորտում: Դրամական փոխանցումներ իրականացնող կազմակերպությունները հնարավորություն են տալիս առանց բանկային հաշվի բացման փոխանցումներ և վճարումներ իրականացնել, իսկ պրոցեսինգ/քլիրինգ իրականացնող կազմակերպությունները կատարում են վճարային գործիքների և վճարահաշվարկային փաստաթղթերի պրոցեսինգ և քլիրինգ երրորդ անձանց համար: Դրամական փոխանցումներ իրականացնող կազմակերպությունները ՀՀ կենտրոնական բանկի կողմից թույլտվության ստացման դեպքում կարող են իրականացնել նաև էլեկտրոնային փողի թողարկում և սպասարկում՝ ընդլայնելով հանրությանը հասանելի վճարային ծառայությունների շրջանակը:
ՀՀ Կենտրոնական բանկը կարգավորում է վճարահաշվարկային կազմակերպությունների գործունեությունը` նվազեցնելու համար վերջիններիս գործունեությանը ներհատուկ ռիսկերը, պաշտպանելու հաճախորդների շահերը, պայքարելու փողերի լվացման և ահաբեկչության ֆինանսավորման դեմ և խթանելու մրցակցային ու նորարարական միջավայրը:
Կարդալ ավելին վճարահաշվարկային կազմակերպությունների մասին
Վճարահաշվարկային կազմակերպությունների լիզենցավորման համար սահմանվում են կապիտալի, կորպորատիվ կառավարման, տեխնիկածրագրային հագեցվածության, տարածքի և այլ պահանջներ:
Կարդալ ավելին
Վճարահաշվարկային համակարգի մասնակիցների վերահսկողություն
ՀՀ կենտրոնական բանկը վերահսկում է վճարահաշվարկային համակարգի մասնակիցների, այդ թվում՝ վճարահաշվարկային կազմակերպությունների, վճարահաշվարկային համակարգերի, վճարահաշվարկային ենթակառուցվածքի և բանկերի գործունեությունը (վճարային ծառայությունների և գործառնությունների տեսանկյունից)։ Վերահսկողությունն իրականացվում է ինչպես տեղում ստուգումների, այնպես էլ հեռահար վերահսկողության միջոցով, և ուղղված է վճարահաշվարկային համակարգերի մասնակիցներին բնորոշ ռիսկերի գնահատմանը՝ կարրգավորման պահանջներին համապատասխանության և գործառնական ճկունության ու դիմացկունության ապահովման նպատակով։ Ռիսկերի վրա հիմնված վերահսկողության շրջանակներում Կենտրոնական բանկի վերահսկողները շարունակաբար հետևում են վճարահաշվարկային համակարգի մասնակիցների ֆինանսական վիճակին, ստուգում պարբերաբար Կենտրոնական բանկ ներկայացվող հաշվետվությունները, բացահայտում, վերլուծում և գնահատում առկա ռիսկերը և համապատասխան միջոցներ ձեռնարկում ռիսկերի կառավարման և ֆինանսական վիճակի կայունացման ուղղությամբ։
Ձեռնարկ
Ուղեցույց